Марий Элыште 23 сентябрь гыч 10 октябрь марте «Детский КиноМай в Йошкар-Оле» поро кумылым ончыктышо кинофорум кышкарыште «Мои семейные истории» оласе сылнымут конкурс эртаралтеш.
Еш – тиде родо-тукым веле огыл, а кӧлан ме илышыште ӱшанена, илышысе куаным да ойгым пырля лош пайлена. Еш – тиде шокшо пӧрт, кушто тыйым умылат, кеч-кунамат полшаш ямде улыт; еш – тиде еҥ-влак тӱшка гына огыл, а пиалым пӧлеклыше шӱм-чон кыл.
Конкурсыш школышто тунемше, йоча социальный тӧнежлаште илыше, ешартыш шинчымашым пуышо организацийыш, илыме верысе клубыш коштшо йоча-влакым ушнаш ӱжыт. Ийгот – 11 гыч 15 ияш марте.
Сылнымутын кеч-могай жанрже ден возымо 3 лаштыкан усталык пашам пуаш лиеш, тӱҥжӧ – еш нерген серыман. Йодмашым да произведенийдам 10 октябрь марте konkurs_kinomay@mail.ru электрон адрес дене колтыман.
Сеҥыше-влакым 23 октябрьыште Республикысе курчак театрыште эртаралтше «Детский КиноМай в Йошкар-Ола» поро кумылым ончыктышо кинофорум годым саламлаш тӱҥалыт. 1-ше, 2-шо, 3-шо верлам налше да лауреат-ваклан дипломым да шергакан пӧлекым кучыктат.
Лидия СЕМЕНОВА
