Шорык
Тиде арнян шӱдыр-влак тазалыклан кугурак тӱткышым ойыраш темлат. Транспорт але электротехнике дене пайдаланыме годым сусыргымо деч шекланыза. Каныш кечылаште тӱжвал сынышкыда вашталтышым пуртен кертыда.
Презе
Йолташ да палыме-влак дене мутланыме годым нелылык лектеш, очыни. Тидыже нунын тыланда кеч-кунамат полшаш ямде улмышт шотышто йодыш дене кылдалтеш. Манеш-манешым шаркалымашке ида ушно. Йӧратыме еҥда дене иктаж пайремыш каеда гын, сырен кертыда.
Йыгыр
Кажне кечын шуктымо паша деч нойымым шижыда. Адакшым ондакысе чер шкеж нерген палдарен кертеш. Нине амал дене иктаж-мом вашталтымыда шуаш тӱҥалеш. Сандене йолташда-влак дене мутланымылан кугурак тӱткышым ойырыза.
Рак
Ты арнян иктаж-кушко каяш тарваненда улмаш гын, шонымашда лугыч лийын кертеш. Тышкыже лишыл еҥда дене сырыме шукта, очыни. Тыгак тӱрлӧ шотышто умылымашдат тӱрлӧ улмым рашемдеда. Арня тӱҥалтыште пашаште нелылык лектын кертеш.
Лев
Тӱняумылымашдам кумдаҥдымыда шуаш тӱҥалеш. Тиде амал дене иктаж-кушко миен толаш, йот йылмым тунемаш кумылда лектеш. Ешлан кугурак тӱткышым ойырыман. Тиде арнян нимогай пӱсӧ йодышымат каҥашаш огеш темлалт.
Ӱдыр
Арнян икымше пелыштыже шӱмбелда ден когыньдан коклаште умылыдымаш лектын кертеш. Сай кыл гына озаланыже манын, тудлан келшыдыме нимогай уто шомакымат ойлаш ида тырше. Родо ден лишыл еҥ-шамычым тышке ушыман огыл.
Виса
Арня тӱҥалтыште тазалыкда начареммым шижыда. Сандене неле пашам ышташ огеш темлалт. Ешыштыда ала-кӧ тендан дечат чот черлана да тудлан лачшымак тендан полышда кӱлеш лиеш, очыни. Йӧратыме еҥда дене икте-весе кокласе кылда куандараш гына тӱҥалеш.
Скорпион
А тендан, мӧҥгешла, тиде арнян шӱмбелда дене кыл пужлен кертеш. Тидыже когыньданат койыш-шоктышдам сай велыш вашталташ таратышаш.
Арнян кокымшо пелыштыже диетым эскера тӱҥалаш лиеш. Тыге тазалыкда пеҥгыдемеш да уто нелыт деч утледа.
Пикшызе
Арня тӱҥалтыште илыме верыште ремонтым тӱҥалман огыл. Уке гын ешыштыда икте-весе коклаште сырен пытеда. Уна-шамычым вашлияшат келшыше жап огыл. Нимогай шолып пашамат ида ыште. Каныш кечылаште кумылдам нӧлтал кертше иктаж верыш миен толза.
Ирказа
Лишыл еҥда, йолташда, палымыда, пошкудыда дене мутланыме годым чытыше лийза. Нунылан нимогай уда мутымат ида «кышкылт». Шарныза: воктене улшо-шамыч дене кыл могай, кӧргыштыда тугай кумыл ден умылымаш озаланат. Сандене шке кӧргыштыда амалжым кычалза.
Вӱд йоктарыше
Тиде арнян ала-мом налаш тарваныме годым шийвундо ситыдымым умыледа. Мӧҥгыштыда улшо кеч-могай технике шаланыме деч шекланыза. Арня мучаште тӱрлӧ вере лияш, тӱрлӧ вере миен толаш да ятыр еҥ дене палыме лияш йӧн лектеш.
Кол
Арня тӱҥалтыште у шинчымашым налме годым нелылыкым шижын кертыда. Шке ончылныда утыждене неле задачым ида шынде, уке гын шукташ йӧсырак лиеш. Арнян кокымшо пелыштыже оксада ешаралтеш. Тидыже шукертсек шонымыдам налаш йӧным ышта.
Л.КАМАЛЕТДИНОВА
