Пошкырт кундем Мишкан районысо «Марий кумалтыш» марий юмыйӱла общине Башкортостанысе Юстиций министерствыште регистрацийым эртен.
Тидын нерген Марий Элысе Рӱдӧ Марий юмыйӱла ушем шке воткыл лаштыкыштыже увертарен. Общиным журналист да чолга мер пашаеҥ Вячеслав Камильянов вуйлата.
Марий Элысе рӱдӧ марий юмыйӱла ушем общинын еҥже-влакым да вуйлатышыжым тиде кугу пашам эртарыме дене алал кумылын саламла.
Пошкырт кундемын Рӱдӧ марий юмыйӱла ушем 2020 ий гыч шке пашажым виктара. Тачысе кечылан тудо индеш район да ял шотан общине-влакым уша. Икмыняр районышто юмыйӱла тӱшка (группа) дене сомылым виктарат.
Галина Ласточкинан фотожо.
