Рӱдоласе 10-шо №-ан школын тунемшыже Серафим Ивановлан Тауштымашым кучыктеныт.
Рвезе ӱмаште шыжым Тарханово паркысе Шоя эҥер серым куштыра деч эрыктыше-влак коклашке шке кумылын ушнен – велосипед дене кудалмыж годым тыглай гына эртен кертын огыл да волонтёр-влаклан полшен.
Министерствын пашаеҥже-влакын мутышт почеш, чолга самырык еҥым нуно идалык мучко кычалыныт да шукерте огыл муыныт.
Марий Эл Пӱртӱс ресурс да экологий министр Алексей Киселёв Серафимлан Тауштымашым да шарнымашан пӧлекым рвезын шочмо кечынже кучыктен.
Г.Кожевникова
Фотом Марий Эл Образований да науко министерствын соцкылысе лаштыкше гыч налме
