Пермь кундемысе чолга марий-влак кундемыштышт эртаралтше тӱрлӧ мероприятийыш кумылын ушнат.
21 февральыште нуно эсогыл кок мероприятийыш миен шуыныт. Эн ончыч самбо да дзюдо дене «Витязь» спорт школышто 12-14 ияш рвезе-шамыч коклаште Лев Паркачёвым шарнымылан пӧлеклалтше таҥасымашыш миеныт. Варажым Пермь крайыште илыше калык-влакын регионысо фестивальыштышт лийыныт. Тудо Шочмо йылмын тӱнямбал кечыжлан пӧлеклалтын.
Фестивальыште марий, башкир, татар, коми-пермяк, руш калык-влакын ансамбльышт усталыкыштым ончыктеныт, тыгак йылмышт, вургемыштым, кочкышышт дене палдареныт, тӱрлӧ мастарлык классым эртареныт.
📸Фотом Пермь кундемысе марий-влак тӱшка гыч налме.
