Марий Эл гыч делегаций (куд еҥан команде) «Россий студент шошо» XXX всероссийский фестивальыште усталыкым ончыкта. Тудо кыдалаш профессионал образовательный организацийлаште тунемше-влаклан тений икымше гана эрта.
3-8 июньышто Челябинскыште эртаралтше мероприятий Российын 60 утла регионжо гыч 2000 утла студентым чумырен. Нуно чыланат шке кундемыштышт отборочный этапыште моштымашым ончыктеныт да сеҥышыш лектыныт. А фестивальыште тыгай направленийла дене мастарлыкышт дене куандарат: вокал, семӱзгарым шоктымаш, куштымаш, оргинальный жанр, модо, медиа, арт, регионысо программе.
