Марий Эл вуйлатыше Юрий Зайцев транспортышто Россий МВД-н Чуваш линейный отделжын начальникше Артур Сергеев дене вашлийын.
Вашлиймаште тыгак Марий Эл правительстве председательын алмаштышыже Евгений Курмаев ден Йошкар-Оласе полицийын линейный отделений начальникше Михаил Чезганов лийыныт.
Нуно транспорт инфраструктур объектлаште лӱдыкшыдымылыкым ыштымаште ваш келшен тыршышаш, тыгак Чуваш линейный отделын Марий Элын «Марий Эл кумдыкышто 2017-2030 ийлаште правонарушенийым шижтарымаш» кугыжаныш программышкыже ушнышаш нерген мутланеныт.
Марий Эл вуйлатышын пресс-службыжын уверже негызеш Л.Камалетдинова ямдылен
