УВЕР ЙОГЫН

МЕМНАМ ИК КУМЫЛ УША – ПОЛШАШ

«Единый Россий» политический партийын Марий Элысе пӧлкаже Белгород областьыште илыше калыклан гуманитар полышым погаш тӱҥалме нерген увертарен.

Гуманитар полышым погымо пункт-влакым «Единый Россий» партийын председательже Д.А.Медведевын регионысо мер приёмныйыштыжо да чыла ола ден районысо пӧлкалаште почмо.

Элысе да республикысе калык, социальный статусым, вера, эсогыл ийгот ойыртемым шотыш налде, фронтлан кертмышт семын полшаш ушненыт.

Партийын Марий региональный пӧлкаже специальный военный операций тӱҥалме икымше кечыла гычак СВО-што участвоватлыше сарзе-влак ден нунын ешыштлан, тыгак у регионлаште илыше калыклан полшен шога.

Таче мемнан полышна Белгород областьыште илыше калыклан кӱлеш, эн ончычак – шылан да колан консерве, 0,9 кг дене оптымо рис ден шемшыдаҥ, 1 кг дене оптымо сакырложаш, 1 л дене темыме кушкыл ӱй, йӱшаш вӱд, печене, кампет, йоча кочкыш, одеял, кӱпчык, покрывал, вакшыш шартыш, солык, носки, ӱдырамаш да пӧръеҥ йымал вургем, кеҥеж йолчием, йоча вургем (футболко, шорто, носки, йымал вургем да тулеч моло), мӧҥгыштӧ кӱлшӧ арвер (тапычке, халат, вургемым сакыме вешалке да тулеч моло), личный гигиенылан арвер (кугыеҥлан подгузник, йочалан подгузник, ик гана пайдаланыме йолымбал, присыпке, ӱдырамаш прокладке, шовын, шампунь, пӱйым эрыктыме пасте ден щётко, вӱдыжгӧ салфетке, ватке диск ден паҥга, туалет кагаз да тулеч моло), батарейке, зарядке (розеткыш), телефонлан шнур, пий ден пырыслан кочкыш (1 кг марте нелытан фасовко).

Белгород область гыч Марий Эл кумдыкыш куснен толшо граждан-влак лекше йодышлашт дене «Единый Россий» партийын регионысо мер приёмныйышкыжо (Йошкар-Ола, Гагарин проспект, 8-ше пӧрт, 104-ше кабинет) да верласе пӧлкалашкыже толын кертыт.

Вашкыл телефон: 63-00-39, Йошкар-Олан кодшо – +7 8362

М.ИВАНОВА

 

 

 

Опубликовать в Одноклассники

Добавить комментарий