Марий Элын Социальный вияҥмаш министерствыже 1-10 декабрьым Инвалид-влакын тӱнямбал кечыштлан пӧлеклалтше декаде семын увертарен.
Начар тазалыкан еҥ-влакын реабилитацийышт да илышлан келыштаралтмышт дене кылдалтше, интересышт ден праваштым аралыме йодыш-шамычлан тӱткышым ойыраш йодшо пайрем ий еда 3 декабрьыште палемдалтеш.
Таче Марий Элыште 63 тӱжем наре инвалид ила, ты чот 2751 еҥже – йоча. Ятырынже, шуко нелылыкым сеҥен, тичмаш илыш дене илаш тыршат. Нине айдеме ӧрыктарыше пӱрымашан да каласен мошташ лийдыме пеҥгыде кӧргӧ виян улыт.
Социальный обслуживаний организаций-влак инвалидностьян еҥ-шамыч дене декаде кышкарыште веле огыл, а кажне кечын пашам ыштат. Нунылан закон дене пеҥгыдемдыме социальный полыш мере-влакым пуат, тӱрлӧ шотан реабилитацийым эрташ йӧным ыштат, правашт ден интересыштым аралат. Социальный обслуживанийын стационар организацийлаштыже илыше инвалид-влакланат мӧҥгысӧ гай условийым ышташ тыршат, тыгак медицине велым эскерат да эмлат.
Декадын кышкарыштыже ий еда торжественный мероприятий, мер организацийын еҥже-шамыч дене вашлиймаш, йыргешке ӱстел йыр мутланымаш-влак эртат. Тыгодым инвалид-шамычлан социально полшымо мере-влакым пуымо йодышлам лончылат.
Но тений элыштына неле эпидемиологический ситуацийын озаланымыжлан кӧра республикыштына шуко еҥым иквереш чумырышо мероприятийым эртараш палемдыме огыл. Инвалид-шамычын декадыштлан пӧлеклалтше чыла мероприятий изи тӱшка дене эртаралтеш але онлайн-форматыш да дистанционный режимыш кусаралтеш.
Инвалидностьян еҥ-влакын проблемыштлан тӱткышым ойырымо, нуным организацийлаште ӱлыкшемдымым чарыме, сай образым чоҥымо шот дене социальный сетьлаште да социальный обслуживаний организаций-влакын сайтлаштышт инвалид-шамычын спортышто, культурышто да моло аланыште шумо сеҥымашыштым ончыктымо #ЗнайНаших челлендж, усталык ден кидпаша ончер, конкурс, социальный обслуживанийын стационар организацийлаштыже илыше-шамычлан мастер-класс-влак онлайн режимыште эртаралтыт.
Социальный обслуживанийын комплексный рӱдерлаштыже инвалидностьян еҥ-влаклан да нунын ешыштлан онлайн-полыш службым организоватлыме.
Козьмодемьянск олаште, Звенигово, У Торъял, Кужэҥер, Оршанке, Юрино районлаште илыше инвалид-влак «Уникальные люди» всероссийский онлайн-фестивальыште участвоватлат.
Декаде кышкарыште Йошкар-Оласе калыкым социально обслуживатлыме комплексный рӱдер «Преображение» клубын еҥже-шамычлан шуко экскурсийым организоватлен.
Тӧнежлан пашаеҥышт ден волонтёр-влак начарын коштшо але коштын кертдыме инвалид-шамыч деке, тыгак инвалид йочам ончышо ешлашке мӧҥгышкыштак пӧлек дене мият.
Мероприятийлашке спонсор, волонтёр, специалист да просто поро кумылан еҥ-влак ушнат гын, 2020 ийысе декаде инвалид-шамычын ушыштышт кужу жаплан кодеш ыле.
Начар тазалыкан еҥ-влакын реабилитацийышт да илышлан келыштаралтмышт дене кылдалтше, интересышт ден праваштым аралыме йодыш-шамычлан тӱткышым ойыраш йодшо пайрем ий еда 3 декабрьыште палемдалтеш.
Таче Марий Элыште 63 тӱжем наре инвалид ила, ты чот 2751 еҥже – йоча. Ятырынже, шуко нелылыкым сеҥен, тичмаш илыш дене илаш тыршат. Нине айдеме ӧрыктарыше пӱрымашан да каласен мошташ лийдыме пеҥгыде кӧргӧ виян улыт.
Социальный обслуживаний организаций-влак инвалидностьян еҥ-шамыч дене декаде кышкарыште веле огыл, а кажне кечын пашам ыштат. Нунылан закон дене пеҥгыдемдыме социальный полыш мере-влакым пуат, тӱрлӧ шотан реабилитацийым эрташ йӧным ыштат, правашт ден интересыштым аралат. Социальный обслуживанийын стационар организацийлаштыже илыше инвалид-влакланат мӧҥгысӧ гай условийым ышташ тыршат, тыгак медицине велым эскерат да эмлат.
Декадын кышкарыштыже ий еда торжественный мероприятий, мер организацийын еҥже-шамыч дене вашлиймаш, йыргешке ӱстел йыр мутланымаш-влак эртат. Тыгодым инвалид-шамычлан социально полшымо мере-влакым пуымо йодышлам лончылат.
Но тений элыштына неле эпидемиологический ситуацийын озаланымыжлан кӧра республикыштына шуко еҥым иквереш чумырышо мероприятийым эртараш палемдыме огыл. Инвалид-шамычын декадыштлан пӧлеклалтше чыла мероприятий изи тӱшка дене эртаралтеш але онлайн-форматыш да дистанционный режимыш кусаралтеш.
Инвалидностьян еҥ-влакын проблемыштлан тӱткышым ойырымо, нуным организацийлаште ӱлыкшемдымым чарыме, сай образым чоҥымо шот дене социальный сетьлаште да социальный обслуживаний организаций-влакын сайтлаштышт инвалид-шамычын спортышто, культурышто да моло аланыште шумо сеҥымашыштым ончыктымо #ЗнайНаших челлендж, усталык ден кидпаша ончер, конкурс, социальный обслуживанийын стационар организацийлаштыже илыше-шамычлан мастер-класс-влак онлайн режимыште эртаралтыт.
Социальный обслуживанийын комплексный рӱдерлаштыже инвалидностьян еҥ-влаклан да нунын ешыштлан онлайн-полыш службым организоватлыме.
Козьмодемьянск олаште, Звенигово, У Торъял, Кужэҥер, Оршанке, Юрино районлаште илыше инвалид-влак «Уникальные люди» всероссийский онлайн-фестивальыште участвоватлат.
Декаде кышкарыште Йошкар-Оласе калыкым социально обслуживатлыме комплексный рӱдер «Преображение» клубын еҥже-шамычлан шуко экскурсийым организоватлен.
Тӧнежлан пашаеҥышт ден волонтёр-влак начарын коштшо але коштын кертдыме инвалид-шамыч деке, тыгак инвалид йочам ончышо ешлашке мӧҥгышкыштак пӧлек дене мият.
Мероприятийлашке спонсор, волонтёр, специалист да просто поро кумылан еҥ-влак ушнат гын, 2020 ийысе декаде инвалид-шамычын ушыштышт кужу жаплан кодеш ыле.
М.ИВАНОВА
