Эртыше кугарнян, кечывалым, Йошкар-Оласе Ленин лӱмеш площадьыште, М.Шкетан лумеш Марий национальный драме театр ончылно чынжымак «Тудын величествыже вальс» озаланен. Ик эн ончыл кадетна-влакын тыгай луман балышт кумшо гана эртыш да пуйто эртыше жапыш пӧртылтыш.
Вес шижмашыже шочынжат кертын огыл, вет театр ончылно мотор бальный тувырым чийыше ӱдыр-влакым кадет формым чийыше эрге-шамыч лывылак пӧрдыктеныт. Полько, мазурко, краковяк, «Венский вальс»… – чылаже лу утла куштымаш да, коеш, кажныжым нуно кыртмен тунемыныт да кугешнен-куанен калыклан ончыктеныт.
Ты гана чылаже тиде балыш Йошкар-Оласе 12 общеобразовательный организаций гыч 130 ик эн сайын тунемше кадет погынен. Нунылан поро тыланымашым Марий Эл образований да науко министрын алмаштышыже Валентина Гаврилова ойлен.
– Кугезына-влакын йӱлажым умбакыжат пагалаш, аралаш да саклаш тӱҥалыда да элнан ӱшанле эҥертшыже лийыда манын ӱшанем. «Кадет» лӱмын чапшым эре кӱшнӧ кучаш тыланем, – каласен тудо.
Бал «ош» куштымаш дене мучашлалте, тудыжым гын ӱдыр-рвезе-влак поснак кумылын пӧрдын ончыктышт да ончышо калыкым рвезылык пагытыштым шарныктышт.
Г.Кожевникова
М.Скобелевын фотожо
