12 сентябрьыште Ставрополь крайыште, Железноводск олаште, «Шочмо йылмым да шочмо литературым эн сайын туныктышо» всероссийский профессионал мастарлык конкурс почылтын. Каласыман, тыгайже элыштына икымше гана эрта.
Конкурсыш Российын 68 регионжо гыч эн уста педагог-влак погыненыт. Марий Элын чапшым Советский посёлкысо 3-шо №-ан школышто марий йылмым да литературым туныктышо, «Марий йылмым эн сайын туныктышо-2022» республик кӱкшытан конкурсышто сеҥыше Роза Богомолова арала.
Очно эртыше этап 15 сентябрь марте лийын, тушто педагог-влак туныктымо методике шотышто мастарлыкым ончыктеныт, урокым эртареныт. Кокымшо турышто кажныже «Класс шагатым», «Мастер-классым» ончыкта. Конкурс 18 сентябрьыште мучашлалтеш.
Айста, марий туныктышынам кумылаҥдена, медиавизиткыжлан йӱкнам пуэна! Роза Богомолован тудым тыгай ссылке почеш вераҥдыме: https://vk.com/app7198399#poll63173761342b6d0cfd56a0a3
Конкурсын официальный сайтше https://teacher.natlang.ru/
Г.Кожевникова
