25 октябрьыште 11 шагатлан Ленинград область Киров районысо «Невский пятачок» интернациональный «Шарнымаш аллейыште» Кугу Отечетвенный сар годым Марий кундем гыч Ленинград велне вуйым пыштыше салтак-влак лӱмеш мемориал стелым почыт.
Ныл 4 тӱжем марий еҥын илышыже тушто кӱрылтын, 170 еҥжын лачшымак «Невский пятачок» манме кумдыкышто. Тиде вер чынжымак шуко тӱрлӧ калык илыман элнан, тудым тушман деч утарымаште нунын икоян лиймыштын символышкышт савырнен.
Тиде шарныктыш историйыште лийше событийым чын аклаш полшаш тӱҥалеш. Поисковик-влакын пашаштлан эҥертен, Марий Элын Санкт- Петербургысо да Ленинград областьысе представительствыже, тушто илыше марий-влакын «Ший корно» калыкле-тӱвыра автономийышт Марий Эл вуйлатыше Юрий Зайцев ден республикын правительствыжын полшымышт дене тудым почыт.
Светлана Носова
Снимкыште: теве тыгай стелле ты кундемыште вуйым пыштыше марий салтак-влакым шарныкташ тӱҥалеш.
Фотом представительствын воткыл лашткше гыч налме.
