2- 5 январьыште Йошкар- Оласе «Тёплая речка» трактирын тӱшкаже Ижевскыште эртыше гастрономий фестивальыште лийын.
Тудо кузе эртыме нерген ресторатор Иван Антропов воткыл лаштыкше гоч увертаренак шоген. Фестиваль пельменьлан пӧлеклалтын. Тушко Российын тӱрлӧ регионжо гыч кочкышым ыштыше мастар-влак миеныт. Мемнан-шамыч республикын нылымше брендшылан шотлалтше подкогыльым ирсӧсна да пӱчӧ шыл гыч, вигак туштак ямдылен, уна-шамычлан темленыт. Марий чесым пеш сайын налыныт, палемден тудо.
Светлана Носова
Снимкыште: фестиваль годым.
Фотом И.Антроповын воткыл лаштыкше гыч налме.
