25 апрельыште Марий Элын Тӱвыра, савыктыш да калык-влакын пашашт шотышто министерствыжын полшымыж дене Марий тӱвыра рӱдер «Марий патыр» конкурсым эртараш ямдылалтеш.
Тудо тыгак Марий талешке кечылан пӧлеклалтеш. Тушко 17 гыч 35 ияш марте рвезе-влак ушнен кертыт. Мо тидлан кӱлеш? Конкурслан шке нерген визиткым ямдылаш, марий калыкын але шке ешын йӱлам ончыкташ, этнографий, военно-патриотический теме-влак дене дене кылдалтше йодыш-влаклан вашешташ логалеш. Участник лияш кумылан-влак йодмашым mari-centr_konkurs@mail.ru электрон почтыш 19 апрель колтышаш улыт.
Икымше гана тыгай конкурс 2021 ийыште эртен. Тунам сеҥышыш Звенигово районысо Сидельниково гыч Анатолий Мартынов сеҥышыш лектын.
С.Носова
Снимкыште:2021 ийыште эртарыме конкурсым иктешлыме годым
М.Скобелевын фотожо
