Кызыт интернетыште «Город России – национальный выбор» интерактивный конкурс эрта.
Тудо 2012 ий гыч эртаралтеш. Кажне ийын эн палыме, кӱлешан, историй да тӱвыра поянлыклан шотлалтше, шкешотан символыш савырнен кертше олам ойырат. Йошкар-Ола ты спискыште 87 ола кокла гыч кызытеш 21 верыште. Эн ончылно Нальчик, Курск, Иваново улыт, а эн шеҥгелне – Казань, Петрозаводск да Кызыл.
Йӱклымаш 30 декабрь марте шуйна. Сандене марий рӱдолалан шке йӱкдам пуынеда гын, эше жап уло.
Светлана Носован фотожо
