Республикысе Марий тӱвыра рӱдерын «Сото вий» калык муро ансамбльже Ульяновскышто эртыше «Поволжская глубинка» XII всероссийский калык тӱвыра фестивальыш миен коштын.
Тушто тудын участникше-влак марий калыкын муро-куштымашыже, семӱзгарже дене палдареныт. Ончыч фестиваль почмаште, вес кечын Октябрьский посёлкышто шке усталыкыштым ончыктеныт. Коллективым Марий Эл тӱвыран сулло пашаеҥже Эльвира Петрова вуйлата. Марий артист-влак фестивальын дипломжым суленыт.
Снимкыште: «Сото вий» ансамбль.
Республикысе Марий тӱвыра рӱдерын воткыл лаштыкше гыч налме фото.
