Россий журналист-влак ушемын Марий Элысе пӧлкажын шым еҥан делегацийже тушто 17-22 сентябрьыште всероссийский форумын тӱрлӧ площадкылаштыже пашам ышта.
Мероприятийыш элнан тӱрлӧ луклаж гыч тӱжем утла участник чумырген. Нунын коклаште СМИ-н мэтрже-влак, журналист конкурслаште сеҥыше, СМИ-м вуйлатыше-шамыч улыт. Форумын программыже моткоч поян, тушто кажне журналистым тургыжландарыше йодыш-влакым каҥашаш тӱҥалыт, мутлан, увер лӱдыкшыдымылыкым, контентым ыштымым, СМИ-н пашаштыже нейросетьым кучылтмым, молымат. Тылеч посна тушто тӱрлӧ презентацийыш, мастер-классыш, вашмутланымаш ушнаш, тыгак икте-весе дене опыт дене пайлалташ сай йӧн лиеш.
Лидия ШАБДАРОВА
А.Абдуловын фотожо/»Марий Эл» увер агентстве
