«Знание» обществын эртарыме Ача-ава-влакын инициативышт конкурсышкыжо Марий Эл гыч 90 утла йодмаш пурен.
Эксперт-влаклан шым тӱжем утла йодмашым ончаш перна, нунын коклаште 93-шо Марий Эл гыч. Эн сай инициативе-влак илышыш шыҥдаралтыт, 200 тӱжем гыч кок миллион теҥге марте финансированийым налыт.
Конкурсым «Знание» обществе РФ Просвещений министерствын полшымыж дене эртара. Тиде еш ден образовательный организаций-влакын вашкылыштым вияҥдымашке, йоча ден самырык-влаклан йӧнан да лӱдыкшыдымӧ средам чумырышо инициативылан полшымашке виктаралтше кугу проект.
Тений конкурсыш Марий Элысе йочасад, тыгак техникум ден колледж-влакын ача-ава-влакын комитетышт ушнен кертыныт. Тидыже участник-влакын географийыштым кумдаҥден.
Конкурсын эн чолга участникше Татарстан республик гыч ача-ава лийыныт. Нуно шке кундемыштышт воспитательный кумдыкым вияҥдыме шотышто 1082 темлымашым колтеныт. Кокымшо верыште — Краснодар кундемысе ача-ава-влакын комитетышт. Нуно конкурсыш 812 йодмашым пуэныт. Тыгак эн чолга регион радамыш Чуваш республик (285 темлымаш), Башкортостан Республик (264 темлымаш), Ростов область (230 темлымаш) пуреныт.
