Бензопила дене Шернур район Кугу Шокшем ялыште пайдаланаш тӱҥалыт, а презым Параньга район Памашъялыште ончен куштат.
17 июльышто газет редакцийыштына «Марий Эл» ден «Сурт-печылан» 2024 ийын кокымшо пелийжылан возалтше-влакын квитанцийышт негызеш шукертак йӱлаш пуртымо лотерей модылтмашым эртарышна.
Шочмо йылме дене савыкталт лекше изданий-шамычлан возалтме деч посна эше иктаж призым модылтен налын кертме пиалым терген ончаш шонышо-влак ты ганат шукын лийыныт – редакцийышкына 250 наре серыш пурен.
Приз-влакым тӱҥ шотышто редакцийын пашаеҥже-влак шкеак ямдыленна. Презым Кужэҥер районысо «Тумьюмучаш»» ООО-н директоржо Владимир Владимирович Таныгин шыжым пуаш сӧрен, бензопилан спонсоржо – «Мастар Мари» ООО (вуйлатышыже – Борис Валерьянович Апакаев).
А ынде могай призын кӧлан логалмыж дене палдарена:
вӱдым (аярым, ешартыш кочкышым) шыжыктыме йоҥгыт – Лев Петуховлан (У Торъял район Ӱлыл Кожлаял);
ӱдырамашлан резинке калош – Лидия Алексеевалан (Марий Турек район Павайнур ял);
чайник – Светлана Матвеевалан (Морко район Курыкйымал ял);
противень набор – Нина Кузьминалан (Кужэҥер район Шӱдымарий ял);
кӱэшташ шун гыч ыштыме формо – Надежда Рыбаковалан (Советский район Колокудо ял);
ванныйлан чарша – Ирина Фоминалан (Марий Турек район Сардаял);
кугу да келге салма – Наталия Петровалан (Медведево район Знаменский посёлко);
термопакет – Анастасия Гребневалан (Параньга район Памашъял);
ош тӱсан келге салатнице – Галина Артемьевалан (Кужэҥер район Руш Шой села);
мелнам кӱэштме салма – Римма Павловалан (Оршанке район Марий Ернур), Ольга Киткаевалан (Шернур район Аҥанур ял), Зинаида Федоровалан (Параньга район Олор ял);
плед – Аркадий Васеевлан (Шернур район Марий Шолнер ял);
калай петыртышым пӱтырен петырыме машинке – Алефтина Смирновалан (Морко район Кугу Маршан ял);
салатнице набор – Любовь Сергеевалан (Морко район Изи Кушна ял);
алмаз мозаике – Зинаида Ивановалан (Советский район Кукмарий ял);
марий сувенир шотан ручка – Александр Смирновлан (Морко район Азъял почиҥга);
книга набор – Ольга Андреевалан (Морко район Шеҥше ял);
кум литр мӱй – Римма Хрисановалан (Кужэҥер район Эҥыжсола ял);
кӱзым шумымо ӱзгар – Анна Степановалан (Волжский район Купсола села);
шемчайым шолташ шун гыч ыштыме йоҥгыт – Анатолий Ильинлан (Морко посёлко);
понар – Нина Фурзиковалан (Советский район Кельмаксола ял), Генадий Ефимовлан (Морко район Шап Унчо ял);
пырче (кок мешак дене) – Валентина Золотаревалан (Параньга район Кугу Пумарий села), Антонида Ивановалан (Волжский район Ярамарий ял);
шӱртӧ кӱпшан простынь – Вера Уткиналан (Волжский район Нурмучаш Шайра ял);
ик мужыр цинковатлыме ведра – Венера Большаковалан (Волжский район Изи Порат ял);
салма – Андрей Копаевлан (Шернур район Нурсола ял).
Тӱҥ приз-влак кокла гыч икымшыже – бензопила – Шернур район Кугу Шокшем ялыште илыше А.С.Ельмикеевалан (квитанцийыште лӱмжӧ ден ачалӱмжым тичмашнек ончыктымо огыл) логалын. Суперпризлан – презылан – Параньга район Памашъял гыч Валерий Виногоровын серышыже лектын.
Пиалан лудшына-влакым шокшын саламлена да ушештарена: призлан тарваныме деч ончыч газет редакцийышкына 8 (8362) 49-55-11 номеран телефон дене йыҥгыртыза, пелен кӧ улмыдам пеҥгыдемдыше документым налза.
Лотерейым модылтымо гыч вияш эфирым газет редакцийнан ВКонтакте группысо сообществыштыже ончаш лиеш.
Маргарита ИВАНОВАМ
М.Иванован фотожо/ «Марий Эл» увер агентстве
