«Марий Эл» кугыжаныш куштышо ансамбль (художественный вуйлатышыже – Российын сулло артистше Славик Асмаев) «Русское Поле» фестиваль гыч кокымшо вер дене пӧртылын.
Тудо «Куштышо эн сай коллектив» номинацийыште ойыртемалтын.
Мероприятий 27 августышто Москошто, «Коломенское» тоштер-заповедник кумдыкышто, эртен. Пайремыште Российын 49 регионжо, тыгак ЛНР, Узбекистан, Беларусь да Турций гыч кок тӱжем утла участник ушнен.
«Марий Эл» ансамбль «Шернур вел куштымашым», «Праздничная» да «Зов невесты» композицийым ончыктен.
А.БАЙКОВА
