ЙОШКАР-ОЛА УВЕР ЙОГЫН

Лум лумеш – трактор эрыкта

 

Йошкар-Оласе уремлаште корным йӱдшӧ-кечыже эрыктат.

Тыгай пашам рӱдолан тӱҥ коммунал предприятийже, «Ола» МУП, шуктен шога. 415 уремым (308,15 км кутыш), 615 тӱжем кв. метр тротуарым, 140 тӱжем кв.метр плошадьым, 42 свер ден паркым, икмыняр кӱварым да еҥ-влак коштмо кумдыкым эрыкта. Телылан лумым шӱкышӧ 90 техникым да лумым ола кӧргӧ гыч шупшыкташ 10 самосвалым ямдылен. Специалист-влак игечым чарныде эскерат. Лум шуко вочмо але поран тарваныме жапыште чумыр спецтехнике да предприятийын пашаеҥже-влак лектыт, а кӱлеш годым техникым да пашазе-влакым вес организацийла гыч йодыт. Ияҥше корныш шаваш 15 тӱжем тонн ошма ден шинчалым, 500 тонн галитым ямдылыме, палемдат ола администрацийыште. Галитым «Сай качестван да лӱдыкшыдымӧ корно» нацпроект почеш ыштыме корнылашке шаваш тӱҥалыт, адакшым галитым 10 градус марте йӱшто игечыште гына кучылташ лиеш, сандене кугурак ӱшанже – ошма ден шинчаллан.

Л.СЕМЕНОВА

Фотом Йошкар-Ола администрацийын сайтше гыч налме

Опубликовать в Одноклассники

Добавить комментарий