Тыгай кугу куткышуэм марий чодыраште чӱчкыдын ужаш лиеш. Медициныште кутко спиртым еҥ-влак тӱрлӧ йыжыҥ корштымо деч йыгаш кучылтыт. Тудым чодырасе тулгай куткын лукмо кислотаж гыч ямдылат, палемдат специалист-влак. Эшежым ты куткым кочкаш лиеш улмаш. Тидлан вуйжым кораҥдыман да шолтыман але кӱктыман. Сакырложаш дене варен кӱктет гын, кутко креветке тамым налеш, маныт.
Тыглай илышыштат куткышуэ пайдам конден кертеш. Мутлан, чодыраште лийме годым куткышуэм ончен, корным муаш лиеш. Тудо эре кечывалвелне верлана, а воктеныже, йӱдвелне, аралтыш семын пушеҥге шога.
Икмыняр жаплан куткышуэш пыштыме вургемым чиен, чодыраште шыҥа да пудий дечат аралалташ лиеш. Куткын пушыжо нуным лӱдыкта улмаш. Тыгак кугурак куткым кол кучымо годым эҥыр руалтышыш пижыкташ лиеш. Тудын кислотаже коллан келша.
Светлана Носован фотожо.
