«Россий писатель ушем» общероссийский мер организацийын Псков оласе пӧлкаже Марий Элыште илыше-влакым «Руш поэзийын курымашлык полкшо» историй да сылнымут тӱнямбал акцийыш ушнаш ӱжеш.
Акций Кугу Отечественный сарыште кугу сеҥымашлан пӧлеклалтын, тудын тӱҥ шонымашыже – поэт-фронтовик да блокадыште лийше поэт-влак нерген шарнымашым курымешлан арален кодаш, лудшо-влакым нунын поэзийышт дене палдараш, самырык тукымым почеламутым лудаш кумылаҥдаш.
Мо ыштыман? Кугу Отечественный сарыште кредалше, тыгак блокаде жапыште Ленинградыште илыше поэт-влакын произведенийыштым лудмыдам войзен налза (видеокамерыш, веб-камерыш, фотоаппартыш, мобил телефоныш) да видеороликдам poetic.polk@ya.ru. электрон почтыш колтыза. Руш йылме дене лудман.
Акций Тӱвыра инициативе-влак президент фондын полшымыж дене «Тукым-влакын шарнымашышт» сылнымут да историй проект негызеш эртаралтеш. Тудо 2022 ий 30 сентябрь марте шуйна. Лекше йодышым https://pskovpisatel.ru/бессмертный-полк-русской-поэзии/ ссылке почеш але 89319006013 телефон дене (Андрей Геннадьевич Бениаминов) рашемден кертыда.
Л.СЕМЕНОВА
