Йошкар-Оласе 15-ше №-ан школышто кумдан палыме россий актёр Артём Ткаченко дене вашлиймаш «Чтецкие программы» программе кышкарыште эртен.
Тудо книга-влак дене кылдалтше эн поро шарнымашыже-влак дене палдарен да сылнымут деке йӧратымашым кугурак филолог акаже шыҥдарен манын ойлен. Икымше лудмо произведений-влак нерген ойлымо годым актёр руш классик-влакым поснак шокшын шарналтен.
