Йошкар-Олаште илыше-влак тиде арнян кум врач дене чылт яра шинчаваш мутланен кертыт, увертара Марий Элын Тазалык аралтыш министерствыже.
«Таза республик» проектым илышыш пуртымо кышкарыште куснылшо «Тазалык пункт» 17 июльышто, кугарнян, 10 гыч 14 шагат марте В.И.Ленин лӱмеш тӱвыра полат ончылно да 18 июльышто, шуматкечын, 11 гыч 15 шагат йотке Тӱвыра да каныме рӱдӧ паркыште пашам ышта.
Кумылан-влак экспресс-шымлымашым эртен, организмын тӱҥ показательже-шамычым рашемден, специалист-шамыч деч ой-каҥашым налын кертыт. Кугарнян дерматолог ден эндокринолог пашам ыштат, шуматкечын – врач-терапевт.
Маргарита ИВАНОВА.
