Майыште ятыр пайрем кече лиеш, вашке тунемше-влакын кеҥеж каникулышт шуэш. Тидым шотыш налын, Марий Элысе МВД ГИБДД-ын теҥгече эртарыме пресс-конференцийыштыже тидын денак кылдалтше моткочак пӱсӧ йодышым тарватеныт ыле. Тушто корно туткарлаште икшыве-влакын сусыргымо случайышт шукемме нерген каласкалышт.
Мутлан, 2025 ийыште кум тылзе жапыште гына 25 корно туткарым регистрироватлыме. Аварийыште 1 йоча колен, 31 эмганен.
Туткар лиймым шагалемдаш манын, тений апрель мучаш гыч ноябрь кыдал марте республикысе МВД «Рули по правилам» увер-пропаганде кампанийым эртара. Тиде жапыште икмыняр министерстве да ведомстве дене пырля икшыве ден ача-ава-влаклан ятыр мероприятийым: правовой ликбезым, тематический краш-курсым, интернет-акцийым, молым – эртарат. Ава-ава-влак дене гын тыгак Кугыжаныш автоинспекций пашаеҥ-влак пашаче коллективлаште, предприятийлаште, организацийлаште вашлийыт.
Кажне мероприятий ден вашлиймаш ик шонымаш дене гына эртаралтеш: водительский удостоверений деч посна механический транспорт дене пайдаланыман огыл, тиде кугу туткар марте шуктен кертеш!
Любовь Камалетдинова.
Авторын фотожо
