Москвасе Сеҥымаш тоштерыште Марий Эл гыч тунемше кугезе кочажын подвигше нерген каласкален.
Эртыше кечылаште Россий Просвещений министерствын тӱҥалтышыж почеш «Ешна-влакын шарнымаш книгашт» всероссийский молодёжь акцийым торжественно почылтын
Участник-влак ик минутышто Кугу Отечественный сарыште лийше коча, коча але моло родо нерген каласкаленыт. Республикна гыч тидым Йошкар-Оласе Т.И.Александрова лӱмеш 11-ше №-ан лицейын 5-ше «Б» классыштыже тунемше Дарья Фомичева ыштен. Ӱдыр кугезе кочаже Павел Степанович Кудряшовын Кугу Отечественный да Японий дене сарлаште кредалмыж нерген каласкален.
Г.Кожевникова
Фотом Марий Эл Образований да науко министерствын соцкылысе лаштыкше гыч налме
