Марий Элым вуйлатыше Юрий Зайцев спецоперацийыште улшо Алексей Пуртов дене вашлийын. Алексей шукерте огыл республикыш отпускыш толын.
Тудо СВО-н икымше кечылаж гычак сӧй пашам шуктен шога. Лӱддымылыкым ончыктымыжлан кок гана «За боевые заслуги», «За отвагу», Суворов медаль-влак да Мужество орден дене палемдалтын.
Республик вуйлатыше Алексейым чаплын служитлымыжлан, пеҥгыдылыкым, лӱддымылыкым да Шочмо эллан ӱшанле улмым ончыктымыжлан тауштен, тыгак кызыт передовойышто мо кӱлмӧ, мо ок сите, гуманитар полыш кузе миен шумо нерген йодыштын.
«Мемнан рвезе-влакнан полыш кидым шижмышт республикыште илыше-влаклан, мыйын семынак, пеш кӱлешан.Гуманитар полыш нунылан кочкыш, кӱлешан вургем, оборудований веле огыл. Республик гыч мийыше посылкын акше боец-влаклан пеш кугу, вет тудынгоч нуныммӧҥгыштӧ вучымым, нунылан ӱшанымым да нунын дене кугешнымым шижыт.
Алексей Пуртовлан да Российын интересшым передовойышто чыла аралышылан, герой-влаклан кӧ полшен шога, чылалан тау. Иквереш сеҥена!» – каласен Юрий Зайцев.
Марий Эл вуйлатышын пресс-службыжын фотожо.
