Таче, 21 мартыште, Морко кундемысе калык Изи Кушна ялыште шочын-кушшо, Россий Федерацийын Украиныште эртарыме военный спецоперацийыште, лÿддымылыкым ончыктен, геройла вуйым пыштыше ефрейтор Виктор Иерусланович ЯКОВЛЕВЫМ пытартыш корныш ужатыш.
В.Яковлев танкын механик-водительже лийын. 4 мартыште Запорожский областьысе Энергодар олам утарыме годым снарядын пудыргыжо логалмылан кöра сусырген колен. РФ президентын указше дене келшышын, землякнам кугыжаныш награде дене палемдаш темлыме.
Ила гын, 23 мартыште В.Яковлев 42 ийым тема ыле. Тудын пелашыж ден кок йочаже кодыныт.
(В.Яковлев дене чеверласыме репортажым газетнан лишыл номерыштыже лудаш темлена).
М.ИВАНОВА
Авторын фотожо
