Марий Элыште «Идалыкын ешыже» республиканский конкурсын муниципал этапшым иктешленыт.
Конкурсын организационный комитетышкыже чылаже
36 представлений пурен. Нунын кокла гыч теве кӧмыт да могай номинацийыште сеҥышыш лектыныт:
«Шуко шочшан еш» – Абросимовмыт еш («Йошкар-Ола» ола округ);
«Самырык еш» – Чулковмыт еш (Звенигово район);
«Ялысе еш» – Насыровмыт еш (Марий Турек район) (снимкыште);
«Шӧртньӧ еш» – Кузнецовмыт еш (Звенигово район);
«Йӱлам аралыше еш» – Макаровмыт еш (Козьмодемьянск ола округ);
«Элым аралышын ешыже» – Ортинмыт еш (Звенигово район).
Ончыкыжым нине еш-влак «Идалыкын ешыже» всероссийский конкурсышто таҥасаш тӱҥалыт.
Любовь Камалетдинова.
