Марий Эл вуйлатыше Юрий Зайцев Йошкар-Оласе объект-влакым ончен савырнымыж годым Петров уремыште автомашина кудалыштме корным олмыктымо паша кузе кайымым терген.
Тыште паша «Сай качестван лӱдыкшыдымӧ корно» нацпроект дене келшышын шукталтеш. Олмыктымо корнын кужытшо – 1 километр, пашан акше – 40,5 миллион теҥге. Тачысе кечылан объект 70 процентлан ямде.
Кугу тӱткышым пашан качествыжлан ойырыман, палемден республикым вуйлатыше да олмыктымо пашам палемдыме жапыште шукташ задачым шынден. Петров уремысе корно олалан да оласе калыклан моткоч кӱлешан, вет ты корно дене шинчымашым пуышо, спорт да медицине учрежденийлашке кудалыштыт.
Юрий Зайцев тыгак «Ола» МУП-ын пашаж дене палыме лийын, у коммунальный техникым ончен. 2024 ийыште предприятий 8 техникым налын, акше 80 миллионыш шуын.
Марий Эл Республикым вуйлатышын пресс-службыжын уверже негызеш Л.СЕМЕНОВА ямдылен
Д.Речкинын фотожо
