ПОЛИТИКЕ

Кок вере сайлаш тӱҥалыт

Республикыште лишыл жапыште, 23 апрельыште, кок вере ешартыш сайлымаш эрта. Избирательный комиссий-влак шке пашаштым 12 апрельыште тӱҥалыныт.

Тидын нерген журналист-влак дене вашлиймаште Марий Эл ЦИК  председатель Ирина Татаринова ойлен.

Иктыже Морко районышто 33-шо №-ан ик мандатан Луговой округышто эрта. Тушто Кугыжаныш Погыныш депутатым сайлат. Весыже Волжск олаште 16-шо №-ан Матросовский округышто лиеш. Тушто Волжск оласе погынымашыш депутатым сайлат.

23 апрель марте кодшо жапыште участковый избирательный комиссий-влакын еҥышт йӱклаш пӧлемым, бюллетеньым ямдылен, сайлыше-влакын спискыштым терген, ятыр моло пашам ыштен шуктышаш улыт.

Нине муниципал сайлымаште еҥ-влак досрочно йӱклен кертыт.

Л.Камалетдинова

Опубликовать в Одноклассники

Добавить комментарий