Рязань область Касимово олаште «Турист ола-влак» III всероссийский премийлан конкурсым иктешленыт.
Эксперт-влак финалыш Российысе 102 ола гыч 95 проектым ойырен налыныт. Марий Эл гыч тушко кок темлымаш логалын. Иктыже – Йошкар- Оласе Турист-увер рӱдерын. Тудо «Регионысо эн сай ТИЦ» номинацийыште таҥасен да кокымшо верым сеҥен налын.
Весыже – Козьмодемьянск. «Тоштер туризман ола» номинацийыште тудо тыгак кокымшо верыш лектын.
Снимкыште: Йошкар-Оласе Турист-увер рӱдер.
Фотом «Туризм в Республике Марий Эл» воткыл лаштык гыч налме.
