Марий Элыште чодыра пожар лийын кертме тургым пагытым иктешленыт.
Регион вуйлатыше Юрий Зайцев шке воткыл лаштыклаштыже палемден: кодшо ий дене таҥастарымаште тений тул ылыжыме чот кок пачаш шагалемын. Сезонышто 26 чодыра пожар лийын гын, кодшо ийын – 61. Йӱлымӧ кумдыкат чотак иземын, тений 9,49 гектар ужар поянлыкна пытен. Кажне ылыжше пожарым икымше кечынак йӧртымӧ, воктенысе илем-влаклан лӱдыкшым иканаште кораҥдыме.
Светлана Носован фотожо
