Марий Элыште СВО-н участникше-влаклан ик гана тӱлалтше выплатым 500 тӱжем теҥге марте кугемдыме.
Марий Элым вуйлатыше Юрий Зайцевын тӱҥалтышыж почеш специальный военный операцийын участникше-влаклан ик гана тӱлалтше регионысо выплатым 250 тӱжем гыч пел миллион теҥге марте кугемдыме.
«Республикна гыч сарзе-шамыч Российын интересшым переводойышто лӱдде да тушманлан ик пырче шансым кодыде аралат. Мемнан задачына – герой-влаклан да нунын ешыштлан полшаш», – палемден Ю.Зайцев.
Таче кечылан Марий Элыште СВО-н участникше-шамычлан да нунын ешыштлан 50 тӱрлӧ наре полыш: социальный полыш мере-влак, психологический да медицине реабилитаций, спецопераций эртыме кумдык гыч пӧртылшӧ-шамычлан пашам муаш полшымо, юридический полышым яра пуымо, илыме вер ден коммунал услугылан тӱлымылан компенсацийым ойырымо, моло йодышым решатлыме – вийыште.
Марий Элым вуйлатышын пресс-службыжын уверже негызеш М.ИВАНОВА ямдылен
