КАЛЕНДАРЬ

Кечышот ден калык пале:

Аралтыш дене коштса!
Кок ий наре шуйнышо СВО жапыште шке ачаштым, пелашыштым, эргыштым, южгунамже ӱдырыштымат, ужатыше кажне ешыште, нуно ӧдыж кундемыште аралтыш дене коштышт манын кумалын илат. Нунын ешыште веле огыл… Элнан чапше верч шогышо салтак-влак верч отылаште марий онаеҥ, черкылаште батюшка-влак пелештен шогат, лӱмын кумалтышым эртарат. Пытартыш жапыште кажне гаяк кӱсотыштӧ эртыше ял, мер, тӱня, тыгак еш кумалтыш Ош Кугу Юмо да тудын полышкалыше вийже-влак деке лач тыгай йодмашан лийын. Ош кече гае савырнен, шочмо велыш пӧртылаш Юмо тыланда полшен шогыжо!
24 февраль – Тичмаш тылзе
Черке йӱла почеш:
Православный святой-влак радамыште Георгий Победоносец – сарзе, армийыште служитлыше-влаклан, илышыште чын корным муаш, ӱшаным йомдараш огыл манын полшышо святойлан шотлалтеш:
«Святой, чапланыше, сеҥымашым кондышо, Христос верч кугун орланыше да чылан моктымо Георгий, мемнан чоннам утараш Христос Юмым сӧрвале: шуко порылыкан Юмылан мемнан пеленна да мемнан верч кумал, да тудын порылыкшым йодшо-влакым, мемнан утаралтшашым да илышыште кӱлешым йодшо-влакым, ок кодо да мемнам чаманен колеш. Сеҥымашым кондышо святой, адакат тыйым сукен сӧрвалена, тыланет пуымо порылык дене православный сарзе-влакым пеҥгыдемде да ваштареш шогышо тушман-влакын вийыштым шалате, тек нуно намыслалтыт да вожылтаралтыт, да нунын осалышт шалана, да мыланнат Юмын полшен шогымыжым палат; ойгышто да экшыкыште улшылан чылалан Тыйын пеш виян аралтышетым ончыкто. Чыла чонаным да чондымым Ыштыше Господь Юмым сӧрвале, тек курымашлык орланымаш деч утара, да Эре Ачам, Эргым да Святой Шӱлышым чапландарена да тыйын мемнан верч шогыметым ойлен палдарена, кызытат, керек-кунамат, курым-курым мучкак. Аминь!»
«Марла молитва-влак» книга гыч налме.
С.Носова ямдылен.
Авторын фотожо

Опубликовать в Одноклассники

Добавить комментарий