Тиде кечылаште Шуко профилян лицей-интернатыште «УмКа» кеҥежымсе школ почылтын. Тушко Марий Элыште илыше 96 ӱдыр-рвезе кошташ тӱҥалын. Нуно школышто тунемше-влаклан всероссийский олимпиадыште, тыгак шанче-практике конференцийлаште сеҥышыш але призёр радамыш лектыныт.
Мо куандарышыже, тений икымше гана кеҥежымсе лагерьлан Марий Элын бюджетше гыч 1,2 миллион теҥгем ойыреныт.
Йоча-влаклан оҥай образовательный программым ямдыленыт. Ешартыш шинчымашым налме деч посна нуно тӱрлӧ экскурсий, таҥасымаш, оҥай еҥ дене вашлиймаш-влак вучат.
Кеҥежымсе школын эн чолга участникше-шамычлан республикыште Уста йоча-влак дене пашам ыштыме шотышто рӱдерыште тунемаш именной сертификатан ӱжмашым кучыктат.
