КРИМИНАЛ

Кажне мутым шонен ойлыман да возыман

Россий Федерацийын Вооруженный вийжым дискредитироватлымылан  Йошкар-Олаште илыше ик еҥлан ынде 30 000 теҥге штрафым тӱлашыже логалеш.

Интернетысе соцкыл-влакым шымлен лекмеке, Марйи Элысе МВД пашаеҥ-влак иктыштыже тыгай сынан возымашым ужыныт. Полицейский-шамыч рашемденыт: тудым Йошкар-Ола гыч 42 ияш пӧръеҥ шке лаштыкыштыже вераҥден. Тылеч вара нуно РФ-н административный правонарушений нерген кодексшын 20.3.3 статьяжын 1-ше ужашыж дене келшышын протоколым возеныт да Йошкар-Оласе судыш колтеныт. Тушто ончымеке, суд тиде еҥым титаканлан шотлен да 30 000 теҥге административный штрафым тӱлыкташ пунчалым луктын.

Л.Камалетдинова

Опубликовать в Одноклассники

Добавить комментарий