Марий Элын кугыжаныш архивыштыже тений савыктен лукмо «Марийский архивный ежегодник» журналым презентоватленыт.
Мероприятийыш республикысе кугыжаныш кучем орган-влакын еҥышт, вуз туныктышо, учёный, архивист, краевед ден книгагудо пашаеҥ-влак, ежегодникыште савыкталтше статья-влакын авторышт погыненыт. Презентацийым кугыжаныш архив вуйлатыше Александр Одинцов, республикысе тӱвыра, савыктыш да калык-влакын пашашт шотышто министрын алмаштышыже Игорь Садовин, элгӧргӧ политике, верысе кучем вияҥмаш да юстиций министр Виктор Викторов почыныт.
У савыктыш, тушко вераҥдыме материал, автор-влак дене кугыжаныш архивын документ-влак дене пайдаланыме пӧлкажым вуйлатыше Алексей Клёнов палдарен. Варажым мутым статья-влакын авторыштлан пуэныт.
Каласен кодыман, журналын электрон версийже дене архивын сайтыштыже тыгай адрес дене палыме лияш йӧн уло: gosarhivrme.ru/sites/defa…
Снимкыште: презентаций годым.
Фотом архивын воткыл лаштыкше гыч налме.
Светлана Носова
