«Россий калык-влакын ассамблейышт» мер организацийын регионысо пӧлкажын председательже Лариса Яковлеван вуйлатымыж почеш йыжыҥъеҥ-влакын черетан вашлиймашышт эртен.
Заседанийыште Марий Эл Кугыжаныш Погынын председательже Михаил Васютин лийын.
Ассамблейын еҥже-влак Михаил Зиновьевичлан шуктымо пашашт, илышыш пуртымо проектышт, ончыкылык планышт нерген каласкаленыт. Мутышт гыч, нуно Кугу Сеҥымашлан 80 ий теммылан пӧлеклалтше «Сеҥымаш диктант» акцийыш Йошкар-Олаштат, республикнан районлаштыжат ушнат, тыгак 9 Май вашеш «Катюша» мурым тӱрлӧ йылме дене возаш шонат.
Парламентым вуйлатыше ассамблейын ончыкылык планже шотышто шке темлымашыже-влакым ыштен, коллегыже-шамычлан тӱҥалме чыла поро пашаште сеҥымашым тыланен да законодательный орган ден мер организаций кокласе кылын эшеат пеҥгыдеммыжым ӱшандарен ойлен.
Маргарита ИВАНОВА
Марий Эл Кугыжаныш Погынын пресс-службыжын фотожо
