СЫЛНЫМУТ УВЕР ЙОГЫН

Калык писатель радам ешаралтеш

«Россий писатель ушем» общероссийский мер ушемын Марий Элысе пӧлкажын йыжыҥъеҥже, поэт да драматург Александр Петровлан Марий Элын калык писательже чап лӱмым пуымо.

«Марий национальный литератур ден драматургийым вияҥдымашке кугу надырым пыштымыжлан» – кӱкшын аклен палемдыме Марий Эл Республик вуйлатыше Ю.Зайцевын 2023 ий 1 июньысо 108-ше №-ан Указыштыже.

А.Петров – тӱрлӧ жанр дене чолган да устан возышо писатель. Пьесыже-влак почеш шындыме спектакльым калык кудыжым келанен воштылын, а кудыжым чон вургыжын онча. Почеламутшо-влак лудшын шӱмжым тарватат, арам огыл ятыр мутшылан муро-влак шочыныт. «Саликан пиалже» романже кодшо ийын С.Чавайн лӱмеш кугыжаныш премий дене палемдалтын.

Серызылан – 56 ий. Марий Эл Кугыжаныш погынын председательжын алмаштышыжын полышкалышыжлан ышта.

Тачысе кечын марий сылнымутым вияҥдымаште калык писатель-влак Леонид Яндаков, Аркадий Богданов, Ипполит Лобанов, Зоя Дудина (Глушкова) тыршат.

Л.СЕМЕНОВА

Снимкыште: Марий Эл Кугыжаныш Погын председатель А.В.Смирнов (шолаште) А.Петровым паша сеҥымашыж дене саламла.

Фотом интернет гыч налме

Опубликовать в Одноклассники

Добавить комментарий