Российыште 2022 ийыште элын эн мотор да палыме олажым ойырен налме шотышто йӱклымаш эрта.
«Город России» – национальный всероссийский проект. Тудо лачшымак тыгай олам ойырен налаш виктаралтын. Тушко 83 ола пурталтын. Нунын коклаште Йошкар-Оланат уло.
Сайтыште ола-влакын историйышт, тӱвырашт, ик эн чапланыше ойыртемышт нерген пален налаш, тыгак фотографий-влакым ужаш лиеш. Сандене мемнан рӱдолана верч йӱклынеда гын, тидым всероссийский проектын тыгай сайтыштыже ышташ лиеш: https://город-россии.рф/yoshkar-ola
Йӱклымашын иктешлымашыжым 2022 ийыште 30 декабрьыште ыштат.
Л.Камалетдинова
М.Скобелевын фотожо
