Йошкар-Оласе набережный ынде йолешкын коштмо зоныжлан шотлалтеш. Тидын нерген рӱдола мэрын пашажым жаплан шуктышо Антон Трудинов увертарен. Санденак тиде кундемыште икмыняр чарак уло.
Ынде тыште чыла тӱрлӧ аттракционым кучылташ, стационарный огыл объект-влакым вераҥдаш, тыгак электросамокатым, гироскутерым да индивидуальный мобильный средствам, тидын шотыштак велосипедым шогалташ да нунын дене кудалышташ огеш лий. Тиде калыкын тӱшкан погынымо верлаште лӱдыкшыдымылыкым пурташ ышталтын.
Михаил Скобелевын фотожо/ «Марий Эл» увер агентстве.
