УВЕР ЙОГЫН

Йочамат ончат, пашаланат тунемыт

«Демографий» национальный проектын «Пашам муаш полшымаш» федеральный проектшын полшымыж дене Кужэҥер посёлкышто илыше Елена Аблинова квалификацийжым нӧлтен.

Елена Анатольевна кум ияш марте ийготан йочам ончымо шотышто отпускышто улмыж годым «Шуко пачеран пӧртым эксплуатироватлымаш да обслуживатлымаш» программе дене тунем лектын.

Программым Томск кугыжаныш университетыште илышыш пуртымо да шуко пачеран пӧрт-влак дене пайдаланыме, тыгак нуным  обслуживатлыме шотышто специалист-шамычын компетенцийыштым паша ойыртемыштлан келыштарен виктарыме.

Кызыт, отпуск гыч лекмекыже, Елена Анатольевна курсышто налме шинчымашыж дене кумдан пайдалана. Тудын у шинчымашыже да у документше улыт – тиде шуко пачеран пӧртым виктарыме да обслуживатлыме аланыште профессиональный пашан у видше-влакым шукташ правам пуышо профессийлан угыч ямдылыме нерген диплом.

2019-2024 ийлаште «Демографий» национальный проектын «Пашам муаш полшымаш» федеральный проектшым илышыш пуртымо кышкарыште республикыштына йочам ончымо шотышто отпускышто улшо шуко ӱдырамаш профессийлан угыч тунем лектын але квалификацийжым нӧлтен.

Маргарита ИВАНОВА

 

 

 

Опубликовать в Одноклассники

Добавить комментарий