УВЕР ЙОГЫН

Шке коклаште

Чодыра озанлык пашаеҥ-влакын пайремышт вашеш «Марий чодра» национальный парк профессиональный мастарлыкым тергыме конкурсым эртарен.

 Тудо Шем ер воктене Керебеляк участковый лесничествыште эртен. Тушко паркын ныл лесничествыж гыч кок еҥан ныл команде ушнен. Жюрим парк директор Василий Мирончук шке вуйлатен. «Профессийыште эн сай» конкурс ныл кужыт гыч шоген. Участник-влак условный пожарым йӧртеныт, GPS- навигатор полшымо дене тул ылыжме верым рашемденыт, бензопила дене пашам ыштеныт да мӧҥгысо пашам ончыктеныт. А тудлан чодыраш вераҥдышаш изи архитектур форман каныме верым ямдылаш кӱлын. Нуным варажым паркын икмыняр лукышкыжо шынденыт.

Жюрин иктешлымашыж почеш, конкурс моткоч оҥайын эртен. Икымше верыш Лушмарь лесничествын командыже лектын. Кокымшо ден кумшо Яльчик ден Ваштар курыкысо лесничестве-влак лийыныт. Ойыртемалтше-влакым шарнымашан пӧлек да окса премий дене палемденыт.

 С.НОСОВА.

 Снимкыште: конкурс годым.

Опубликовать в Одноклассники

Добавить комментарий