Республиканский онкологический диспансерыште Рак дене кучедалме тӱнямбал кечылан пӧлеклалтше Почмо омса кече эртен.
Тиде кечын диспансерыш эртыше ий деч кок пачаш шуко еҥ, 606 пациент, миен. Тышечын 140 еҥ врач-дерматологын консультацийыштыже лийын.
Специалист-шамыч 24 пациентым онкологий дене черланен кертме шотышто умбакыже тергалташ колтеныт. Рашемденрак каласаш гын, кум еҥын пагар-шолораштыже ситыдымашым муыныт, ныл ӱдырамашлан шӧрту пуалме нерген ойленыт, кокытлан репродуктивный системым мучаш марте тергаш темленыт, 13 пациентлан коваште рак диагнозым йодышан пале дене шынденыт, иктылан логараҥ пуалме нерген каласеныт да эше иктын предстательный туштыжо онкологий чер вияҥмаш тӱҥалмым ужыныт.
М.ИВАНОВА
