«Россий» национальный рӱдерыште элыштына илыше-влакын лекше йодышыштым аралымаште муниципал депутат-шамычын рольыштым каҥашеныт.
«Малая родина – сила России» кокымшо Всероссийский муниципал форумышто специальный военный операцийын ветеранже-влакын тыныс илышыш ушнымышт да регионын муниципалитет дене кылже нерген каласкаленыт. Вес эл-влак велым лӱдыкшӧ улмылан кӧра чак чумырген ыштыме, тидын шотыштак муниципал кӱкшытыштӧ, поснак кӱлешан. Кучемын еҥже-влакын пашаштышт икгай шӱлыш дене тыршымын кӱлешлыкше нерген «Единый Россий» партийын Генеральный советшын секретарьже, Федераций Совет председательын икымше алмаштышыже Владимир Якушев тыге каласен:
– Муниципалитет ден регион-влак мыняр виянрак улыт, элна тунарланак виян. Муниципалитет-влак дене кылым могай регионышто чын шындыме, тушто вияҥмаш икшырымын эрта. Нине регион-влак экономикыште, элнан мер илышыштыже локомотивлан шотлалтыт.
Кызыт поснак кугу рольым специальный военный операцийын участникше да нунын ешыштлан полышым пуымо проект-влак модыт. СВО-н участникше да ветеранже-влакым кундемым вуйлатымашке ушымын кӱлешлыкше нерген Нижний Новгород олан Думыжын председательже, Мужество орденын кум гана кавалерже Евгений Чинцов каласкален.
Боец-влакын ешышт шке йодышышт дене утларакшым муниципал депутат-влак деке толыт. Екатеринбург ола Думын председательже Анна Гурарийын палемдымыж семын, СВО-н участникше-влакын ешышт дене пашам ыштыме годым сай лектышыш нунын проблемыштым тӱрыс пален налме полша.
Ульяновск ола Думын председательже Илья Ножечкин шке муниципалитетлан служитлен кертше да тидлан ямде улшо-влакым кычалме опыт дене палдарен. Тудын мутшо почеш, еҥ-влаклан мом-гынат сайым ышташ кумылан улшо-влакым муаш тыршыман. Тидлан ресурсым кычалман. Финанс ресурс ок сите гын, организационный ден интеллектуальный ресурс-влакым ушаш кӱлеш.
Форумышто чылаже ныл тӱжем наре еҥ лийын.
