Кажне ийын у тунемме идалык вашеш «Единый Россий» партий Йошкар-Олаште «Йочам школыш пого» акцийым эртара. Тудын тӱҥ шонымашыже – шуко шочшан, начарын илыше еш-влаклан да специальный военный операцийын участникше-шамычын лишыл еҥыштлан полышым пуаш.
23 августышто партийын Йошкар-Оласе пӧлкажын секретарьже Антон Волков рӱдолаште илыше да общественный приёмныйышкыжо йодмаш дене лекше 25 ешлан школ наборым кучыктен. «Йӱлаш пурышо акций кышкарыште у тунемме ий вашеш шукырак икшыве-влаклан полшаш тыршена», – палемден тудо.
26 августышто «Единый Российын» еҥже-влак тыгаяк радамыш пурышо ешыште кушшо 80 икшывылан канцеляр наборан рюкзакым кучыктеныт. Ты кечын ача-ава ден йоча-влакым Йошкар-Ола округым вуйлатыше Виктор Кузнецов, депутат-влак погынымашын депутатше-шамыч Денис Клименчук, Ольга Мишина, Александр Синяев шушаш у тунемме ий тӱҥалме дене саламленыт да чыла сайын гына тыланеныт.
Г.Кожевникова
Фотом «Единый Россий» партийын Йошкар-Оласе пӧлкажын
