Кужэҥер посёлкышто лӱмло марий писатель да журналист Виталий Петуховлан мемориал оҥам почыныт.
Шкеже тудо Курыкмарий кундемыште шочын-кушкын гынат, илыш корныжо да пашаже лач ты поселко дене кылдалтын. Виталий Петухов ятыр жап «Заря» райгазет редакцийым вуйлатен.
Шарнымаш оҥам писательын илыме пӧрт пырдыжеш сакеныт. Тудым почмашке Марий Эл Кугыжаныш Погынын председательжын алмаштышыже Евгений Кузьмин, район администраций вуйлатыше Ольга Фокина, Марий калыкле конгресс вуйлатыше Эдуард Иманаев, Марий книга савыктыш директор Юрий Соловьев да молат миеныт.
С.НОСОВА
