ЭКОНОМИКЕ

Йоча-влаклан – ярмиҥга-ончер

Тений кеҥеж мучко кажне шуматкечын Йошкар-Оласе Чавайн бульварыште шке пашаштым ыштыше-влакын («самозанятый»-шамыч)  ярмиҥга-ончерышт эртаралтеш.

Тудын организаторжо – «Мыйын бизнесем» рӱдер. Ярмиҥга-ончер калыклан декоративно-прикладной паша-шамычым темла, тыгак тушто тӱрлӧ оҥай мастер-класс-влак лийыт. Теве сӱретче Александра Кошпаева «Кисточка» арт-студийым вуйлата. Тудо тукым шӱжарже Злата Павлова дене модыш-влакым чиялта. Тыгай мастер-класс чыла йочалан келша.  Теве каныме кече Светлана аваж дене йыгыр ӱдыр-влак Полина ден Ульяна Акпаршевмытат чиялтыме пашаш ушненыт.

М.СКОБЕЛЕВ

Снимкыште: 2407 А.Кошпаева З.Павлова дене модыш-влакым чиялта. 2403 Полина ден Ульяна Акпаршевмыт ярмиҥгасе мастер-классыште моштымашым тергат.

Авторын фотожо.

Опубликовать в Одноклассники

Добавить комментарий